ඉදිරි පැය කිහිපයේ දී සුර්යය කුණාටුවක්
ගත වන ඉදිරි පැය කිහිපය අතර තුරදී දැඩි සූර්ය කුණාටුවක බලපෑම පෘථිවිය දෙසට එල්ල වී ඇතැයි ඇමෙරිකානු කාලගුණ විද්‍යාඥයෝ අනාවැකි පළ කර තිබෙනවා. කෙසේ වෙතත් ඔවුන් පවසන ආකාරයට වසර 5 කට පසුව ඇති වන විශාලතම සුර්ය කුණාටුව මෙයයි.
මෙම කුණාටුව ඇමෙරිකාවට පැහැදිලිව දර්ශනය වන බව බි‍්‍රතාන්‍ය භූ සමීක්‍ෂණ සේවය පවසවනවා. මෙය අද ගිනිච් වේලාවෙන් පස්වරු 6 ත් 10 ත් අතර හට ගන්නා බවයි වැඩි දුරටත් සඳහන් වෙන්නේ. මෙහි බලපෑමෙන් විදුලිබල සම්පේ‍්‍රෂණ චන්ද්‍රිකා සන්නිවේදන කටයුතුවලට හා ගුවන් ගමන්වලට බාධා ඇති විය හැකි බවයි ඔවුන් අනතුරු අගවන්නේ. මෙය හෙට උදෑසන වන තෙක් පෘථිවියට බලපෑම් එල්ල කළ හැකි අතර සුර්ය කුණාටුවත් සමඟ හට ගන්නා කොටස් පැයට සැතපුම් හතළිස් ලක්‍ෂයක වේගයෙන් පෘථිවියේ ගැටෙනු ඇතැයි විද්‍යාඥයෝ පවසනවා. සුර්ය කුණාටුවක දී සුර්යා තුළ පවතින චුම්භක බල ශක්තිය පිටතට මුදා හැරීමක් සිදු වේ.
මෙවැනි සුර්ය කුණාටුවක් 1979 දී ද ඇති වී අතර එමඟින් ඇමෙරිකාවේ ඉලිනෝයි ප‍්‍රාන්තයේ දිගදුර දුරකථන සන්නිවේදන පද්ධතියක් සම්පූර්ණයෙන් ක‍්‍රියා විරහිත වු බව වාර්තා වනවා.
FAQs